Sep 4: ಸಂತ ಜೋಸೆಫರ ಪ್ರೌಢಶಾಲೆ, ಕೆ.ಆರ್ ನಗರ. ಇಲ್ಲಿ ದಿನಾಂಕ 2/10/18 ರಂದು ಗಾಂಧಿ ಜಯಂತಿ ಹಾಗೂ ಲಾಲ್ ಬಹುದ್ದೂರ್ ಶಾಸ್ತ್ರಿ ಜಯಂತಿ ಕಾರ್ಯಕ್ರಮ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಶಾಲೆಯ ಸಂಚಾಲಕಿ ಭಗಿನಿ ಸೈಮನ್, ಪ್ರೌಢಶಾಲಾ ಮುಖ್ಯ ಶಿಕ್ಷಕಿ ಭಗಿನಿ ಬೆಟ್ಟಿ ಡಿ.ಕೋಸ್ಟ ಹಾಗೂ ಪ್ರಾಥಮಿಕ ಶಾಲಾ ಮುಖ್ಯಸಿಕ್ಷಕಿ ಭಗಿನಿ ಅಡಾಲ್ಫಾರವರು ಮತ್ತು ಎಲ್ಲಾ ಶಿಕ್ಷಕರು ಭಾಗವಹಿಸಿ ಭಾವಚಿತ್ರಗಳಿಗೆ ಪುಷ್ಪಾರ್ಚನೆ ಮಾಡಿದರು. ನಂತರ ನಡೆದ ಕಾರ್ಯಕ್ರಮದಲ್ಲಿ ಸಂಚಾಲಕಿ ಭಗಿನಿ ಸೈಮನ್‍ರವರು ಗಾಂಧೀಜಿಯವರ ಜೀವನ ಚರಿತ್ರೆಯ ಬಗ್ಗೆ ಸರಳವಾಗಿ ವಿವರಿಸಿದರು. ಹಾಗೆಯೇ ಅವರ ಸರಳ, ಶಿಸ್ತು ಬದ್ಧ ಶಾಂತಿ ಜೀವನ ಮತ್ತು ದೇಶಪ್ರೇಮವನ್ನು ಮೈಗೂಡಿಸಿಕೊಳ್ಳುವಂತೆ ವಿದ್ಯಾರ್ಥಿಗಳಿಗೆ ಕರೆ ನೀಡಿದರು.
ನಂತರ ತಾಲೂಕಿನ ರಾಷ್ಟ್ರೀಯ ಹಬ್ಬಗಳ ಸಮಿತಿಗಳ ಪರವಾಗಿ ನಡೆದ ಕಾರ್ಯಕ್ರಮದಲ್ಲಿ ನಮ್ಮ ಶಾಲೆಯವತಿಯಿಂದ ಗಾಂಧೀಜಿಯ ವೇಷವನ್ನು ಶಾಲೆಯ 8ನೇ ತರಗತಿ ವಿದ್ಯಾರ್ಥಿ ಭುವನೇಶ್ ಎಂಬ ವಿದ್ಯಾರ್ಥಿ ಧರಿಸಿದರು ಹಾಗೆಯೇ ವಿವಿಧ ಪವಿತ್ರ ಗ್ರಂಥಗಳ ವಾಚನದಲ್ಲಿ ನಮ್ಮ ಶಾಲೆಯ ವಿದ್ಯಾರ್ಥಿಗಳು ಪವಿತ್ರ ಗ್ರಂಥ ಬೈಬಲ್ ವಾಚನ ಮಾಡಿದರು.
ಪವನ್ ಕುಮಾರ್, ಸಹ ಶಿಕ್ಷಕರು
ಸಂತ ಜೋಸೆಫರ ಪ್ರೌಢಶಾಲೆ, ಕೆ.ಆರ್.ನಗರ
Comments powered by CComment